Փետրվարի 18-ին մենք այցելեցինք Հայաստանի պատմության թանգարան՝ ծանոթանալու մեր երկրի մշակութային ժառանգությանը։ Թանգարանում ներկայացված բազմաթիվ հնագույն ցուցանմուշների շարքում ամենից շատ ինձ տպավորեց Անահիտ աստվածուհու արձանի գլուխը։
Անահիտը հայոց դիցարանի գլխավոր աստվածուհիներից էր, համարվում էր մայրության, պտղաբերության և սիրո հովանավորուհի։ Նրա բրոնզե գլխաքանդակը հայտնաբերվել է 19-րդ դարում, և այսօր այն համարվում է հայկական մշակույթի արժեքավոր մաս։ Քանդակի նուրբ ու արտահայտիչ ձևերը ցույց էին տալիս այն վարպետությունը, որով այն ստեղծվել էր դարեր առաջ։
Թանգարանում շրջելիս մենք իմացանք, որ Անահիտին հարգում էին ինչպես մայրության, այնպես էլ արվեստների հովանավոր աստվածուհի։ Նրա պաշտամունքը տարածված էր ողջ Հայաստանում, և անգամ այսօր նրա կերպարը հիշեցնում է մեր նախնիների հավատալիքների ու ավանդույթների մասին։
Այդ այցելությունը ինձ օգնեց ավելի խորը հասկանալ մեր պատմությունը և հպարտանալ հայկական մշակութային ժառանգությամբ։ Անահիտ աստվածուհու դիմակը ինձ հիշեցրեց, թե որքան հարուստ ու խորն են մեր արմատները։
Սեդա Ենգիբարյանի բլոգ 